06 Jan 2026

Sizga hech qanday harakatsiz pensiya tayinlanadi!

Sizga hech qanday harakatsiz pensiya tayinlanadi!

55 yoshga to‘lgan ayollar va 60 yoshga to‘lgan erkaklarga yoshga doir pensiyalar endi proaktiv (avtomatik) tarzda tayinlanadi. Ya’ni, pensiya olish uchun ariza topshirish talab etilmaydi

Sizga hech qanday harakatsiz pensiya tayinlanadi! 55 yoshga to‘lgan ayollar va 60 yoshga to‘lgan erkaklarga yoshga doir pensiyalar endi proaktiv (avtomatik) tarzda tayinlanadi. Ya’ni, pensiya olish uchun ariza topshirish talab etilmaydi. Pensiya yoshiga yetgan fuqaroga bu haqda telefon raqamiga SMS-xabarnoma yuboriladi. Agar fuqaro nomiga mobil raqam rasmiylashtirilmagan bo‘lsa, tegishli ma’lumotlar yashash manzili bo‘yicha pochta orqali yetkaziladi. Shu bilan birga, my.gov.uz (http://my.gov.uz/) orqali quyidagi hollarda ariza topshirish imkoniyati mavjud: — pensiya yoshidan (55/60 yosh) katta bo‘lsangiz; — 54 yoshga to‘lib, imtiyozli pensiyaga chiqmoqchi bo‘lsangiz; — boquvchisini yo‘qotganlik yoki nogironlik pensiyasini rasmiylashtirmoqchi bo‘lsangiz. Qanday foydalaniladi? my.gov.uz (http://my.gov.uz/) saytiga kirasiz; Tegishli xizmatni tanlaysiz: https://my.gov.uz/oz/service/975 So‘ralgan ma’lumotlarni to‘ldirib, ariza yuborasiz. Natija — 10 ish kuni ichida taqdim etiladi. Eng muhimi — xizmat mutlaqo bepul.

Boshqa yangiliklar

Пенсиянгизни нақд шаклга ўтказмоқчимисиз? Буни осон амалга оширинг.
17 Nov 2026

Пенсиянгизни нақд шаклга ўтказмоқчимисиз? Буни осон амалга оширинг.

✅ Пенсия жамғармаси томонидан my.gov.uz порталида мазкур онлайн хизмат ишга туширилди. (https://my.gov.uz/uz/service/1360) ✅ Ушбу хизматдан фойдаланган ҳолда уйдан чиқмасдан туриб ҳам пенсиянгизни нақд шаклга ўтказишингиз мумкин. Бунда Пенсия жамғармаси туман (шаҳар) бўлимига мурожаат қилишингиз шарт эмас. ⚡️ Барчаси тез, осон ва жуда қулай. ↪️ Маълумот учун: Ушбу қулайлик Ўзбекистон Республикаси Президентининг 2026 йил 28 сентябрдаги ПҚ-355-сон Қарорига (https://lex.uz/docs/8515075#8516633)мувофиқ жорий этилди.

Batafsil o'qish
Olti yoshli bolalar bir yillik tayyorlov guruhlariga jalb etiladi
17 Nov 2026

Olti yoshli bolalar bir yillik tayyorlov guruhlariga jalb etiladi

Oliy Majlis Qonunchilik palatasidagi “Milliy tiklanish” demokratik partiyasi fraksiyasi yig‘ilishida “O‘zbekiston Respublikasining ayrim qonun hujjatlariga maktabgacha va maktab ta’limi tizimi integratsiyasini ta’minlashga qaratilgan o‘zgartirish va qo‘shimchalar kiritish to‘g‘risida”gi qonun loyihasi muhokama qilindi.

Batafsil o'qish