17 Nov 2026

Olti yoshli bolalar bir yillik tayyorlov guruhlariga jalb etiladi

Olti yoshli bolalar bir yillik tayyorlov guruhlariga jalb etiladi

Oliy Majlis Qonunchilik palatasidagi “Milliy tiklanish” demokratik partiyasi fraksiyasi yig‘ilishida “O‘zbekiston Respublikasining ayrim qonun hujjatlariga maktabgacha va maktab ta’limi tizimi integratsiyasini ta’minlashga qaratilgan o‘zgartirish va qo‘shimchalar kiritish to‘g‘risida”gi qonun loyihasi muhokama qilindi.

Oliy Majlis Qonunchilik palatasidagi “Milliy tiklanish” demokratik partiyasi fraksiyasi yig‘ilishida “O‘zbekiston Respublikasining ayrim qonun hujjatlariga maktabgacha va maktab ta’limi tizimi integratsiyasini ta’minlashga qaratilgan o‘zgartirish va qo‘shimchalar kiritish to‘g‘risida”gi qonun loyihasi muhokama qilindi. Qonun loyihasi bilan “Ta’lim to‘g‘risida”gi hamda “Maktabgacha ta’lim va tarbiya to‘g‘risida”gi qonunlarga tegishli o‘zgartirish va qo‘shimchalar kiritish nazarda tutilmoqda. Unga ko‘ra, bir yillik maktabga tayyorlovni majburiy umumiy o‘rta ta’limning dastlabki bosqichi sifatida belgilash nazarda tutilmoqda. Ya’ni, maktabgacha ta’lim bilan qamrab olingan 6 yoshli bolalar bog‘chaning o‘zida, bog‘chaga bormayotgan bolalar esa maktab va ijtimoiy obyektlarda majburiy tartibda maktabga tayyorlov guruhlariga jalb qilinadi. Buning natijasida O‘zbekiston ta’lim tizimining xalqaro darajadagi mavqei oshadi va yoshlarga xorijiy davlatda o‘qish uchun qulay sharoit yaratiladi. Fraksiya a’zosi Jahongir Mamajonov maktabgacha ta’lim tashkilotlarida ham tayyorlov guruhlari tashkil etilishidan kelib chiqib, buning uchun oilaviy bog‘chalarda qanchalik sharoit yaratilgani, dars beradigan o‘qituvchilar ta’minoti masalasini ko‘tardi. Maktab va ilm-fan ta’limi vazirligi vakili ushbu masalani izohlab, bolalar uch soatlik dastur orqali o‘qitilishi va mazkur faoliyat bilan shug‘ullanuvchi tarbiyachilarning esa maxsus dastur asosida malakasi oshirilishini ma’lum qildi. Yig‘ilishda qonun loyihasi qizg‘in muhokama qilindi. Munozaralar davomida mazkur hujjatdagi o‘zgartishlar umumiy o‘rta ta’lim tizimini xalqaro standartlarga muvofiqlashtirishga, 6 yoshli bolalarni maktabga tayyorlov bilan to‘liq qamrab olishga, O‘zbekiston ta’lim tizimining xalqaro darajadagi mavqeini oshirishga xizmat qilishi qayd etilib, loyiha qo‘llab-quvvatlandi. Ayni chog‘da deputatlar uning ikkinchi o‘qishdagi muhokamalarida faol ishtirok etishini ta’kidlagan holda, fraksiyaning takliflarini ilgari surishini bildirdilar.

Boshqa yangiliklar

Пенсиянгизни нақд шаклга ўтказмоқчимисиз? Буни осон амалга оширинг.
17 Nov 2026

Пенсиянгизни нақд шаклга ўтказмоқчимисиз? Буни осон амалга оширинг.

✅ Пенсия жамғармаси томонидан my.gov.uz порталида мазкур онлайн хизмат ишга туширилди. (https://my.gov.uz/uz/service/1360) ✅ Ушбу хизматдан фойдаланган ҳолда уйдан чиқмасдан туриб ҳам пенсиянгизни нақд шаклга ўтказишингиз мумкин. Бунда Пенсия жамғармаси туман (шаҳар) бўлимига мурожаат қилишингиз шарт эмас. ⚡️ Барчаси тез, осон ва жуда қулай. ↪️ Маълумот учун: Ушбу қулайлик Ўзбекистон Республикаси Президентининг 2026 йил 28 сентябрдаги ПҚ-355-сон Қарорига (https://lex.uz/docs/8515075#8516633)мувофиқ жорий этилди.

Batafsil o'qish